tas en: home » analizador » conocer másEl paquete FreeLing consiste nuna librería qu'apurre servicios d'análisis de llinguaxe, como división d'oraciones, desambiguador, análisis morfolóxicu, tratamientu de sufixos, predicción probabilística de categoríes, analizador sintácticu de dependencies, reconocencia de magnitúes, multipalabres, etc.
El paquete asturianu foi desenvueltu por Daniel Vicente Quílez. FreeLing ye una iniciativa del Centre de Tecnologies i Aplicacions del Llenguatge i la Parla (TALP) de la Universitat Politècnica de Catalunya (UPC).
Cómo funciona FreeLing
1.- El testu d'entrada ye tratáu pol tokenizer, que s'encarga d'estremar les unidaes coles que va trabayar l'analizador a lo llargo de les etapes posteriores.
2.- A partir de les unidaes creaes enantes y con ayuda de los módulos de diccionariu, sufixos, locuciones y cantidaes, realízase un análisis morfolóxicu considerando tolos posibles significaos individuales.
3.- Col etiquetador, realízase una desambiguación de toles posibles etiquetes asignaes a cada palabra, basándonos nel contestu, con ciertos patrones d'etiquetes susceptibles de tener más probabilidá d'apaición qu'otros.
4.- La validación y análisis sintácticu de FreeLing faise pente medies d'una gramática compuesta d'una serie de riegles qu'establez dependencies y composiciones de grupos sintácticos.
Inxenería llingüística
Eslema trabaya nel desenvolvimientu ya integración del asturianu con distintos paquetes de software llingüístico (Corpus, Analizador, Traductor). La interrelación qu'esiste ente ellos ye un preséu fundamental pa la meyora del traductor.
Concretamente nel casu del analizador, ésti constitúi la base de les primeres etapes del traductor
Futuru del analizador
Cada día un equipu d'investigadores trabaya pola meyora del software al traviés del desarrollu de nueves aplicaciones, de la implementación de nuevos paquetes léxicos y una revisión continua de los materiales esistentes col envís de dir perfeccionando la ferramienta.
L'aquitectura del sistema permite la integración con sistemas llingüísticos como Apertium.
Analizar documentos
Esplore con esta ferramienta toles posibilidaes del analizador nel estudiu d'oraciones y testos no que fai a les sos estructures morfolóxiques y sintáctiques sobre la referencia del estándar asturianu.
Actualmente l'analizador Eslema soporta l'análisis d'archivos procedentes d'editores de testu (.txt, .doc) pero seguimos trabayando pa que sía a integrar nuevos formatos.
Contribuya
D'equí a poco usté tamién va poder echar un gabitu nel desenvolvimientu del analizador de testos asturianos coles sos observaciones y suxerencies.
Rexistrándose va poder baxar los módulos esistentes, ampliar dalgún d'ellos, tener la so área de trabayu personal o realizar los análisis col so propiu FreeLing ente otres posibilidaes.
